Skólaráð - fundargerðir

5. fundur 15. desember 2010

5. fundur skólaráðs Grunnskólans á Hellu 15. desember kl. 15:10

Mætt voru: Sigurgeir Guðmundsson skólastjóri, Sigríður Theódóra Kristinsdóttir og Valgerður Sigurðardóttir fulltrúar kennara, Berglind Kristinsdóttir kjörinn fulltrúi foreldra og Hafdís Garðarsdóttir deildarstjóri sem ritaði fundargerð.
Lovísa Sigurðardóttir fulltrúi annarra starfsmanna og Torfi Gunnarsson kjörinn fulltrúa foreldra boðuðu forföll. Guðbjörg Arnardóttir formaður foreldrafélagsins og fulltrúi nærsamfélags forfallaðist á síðustu stundu. Vegna þessara forfalla var ákveðið að hafa fundinn stuttan og funda fljótlega aftur.

  1. Sigurgeir sagði frá því að það er nýlega búið að stofna stýrihóp vegna vinnu við innra mat skólans. Birta Huld Halldórsdóttir kennari stýrir þeirri vinnu. Það vantaði fulltrúa foreldra í stýrihópinn. Berglind Kristinsdóttir tók það að sér.
  2. Sigurgeir sagði frá fyrirspurnum frá foreldrum um að hafa Skóladagheimilið opið í jólafríum. Skóladagheimilið er rekið sem hluti af skólastarfinu; er lengd viðvera. Þess vegna er það lokað í öllum skólafríum. Sama fyrirkomulag er á Hvolsvelli, Flúðum og Laugalandi.
  3. Frá og með þessu skólaári er mötuneytið rekið sem hluti af skólanum. Starfsmenn mötuneytisins eru nú hluti af starfsliði Grunnskólans á Hellu.
  4. Það er boðið upp á hafragraut i mötuneytinu frá kl. 7:50 – 8:10 alla morgna. Það er nokkuð um að nemendur mæti of seint í tíma eftir að hafa farið í grautinn. Lagt til að nemendur fái ekki skammtað á disk seinna en kl. 8:05 og jafnframt að kennarar sýni því skilning þó nemendur komi allt að 5 mínútum of seint úr grautnum.
  5. Meðferðarheimilið Lækjarbakki að Geldingalæk var opnað í ágúst s.l. á vegum Barnaverndarstofu. Þar eru allt að sjö 14-18 ára unglingar í senn.  Á heimilinu eru stöðugildi tveggja kennara. Þeir eru hluti af starfsliði Grunnskólans á Hellu en kenna við deild frá skólanum sem staðsett er á meðferðarheimilinu.
  6. Sveitarstjórn tók ákvörðun um það í haust að félagsmiðstöðin skyldi rekin undir hatti Grunnskólans á Hellu. Sveitarstjórnin er búin að segja upp leigunni. Hefur skólinn núverandi húsnæði félagsmiðstöðvarinnar fram til 1. maí. 2011. Takmarkað rými er á lausu innan skólans til að reka félagsmiðstöðina í. Ef skólinn fengi lausa stofu fyrir myndmenntakennslu gæti félagsmiðstöðin farið í myndmenntastofuna.
  7. Sigurgeir sagðist sakna þess að ekki skuli lengur vera starfandi forvarnahópur sem beitir sér fyrir forvörnum gegn áhættuhegðun  s.s. í sambandi við tóbaks-, áfengis- og vímuefnanotkun, meðferð flugelda og akstur á vélknúnum ökutækjum. Ákveðið að athuga hvort mögulegt sé að fá einhvern hæfan einstakling til að taka að sér að stýra svona hópi.
  8. Ákveðið að halda næsta fund um miðjan janúar.

 

            Fleira ekki tekið fyrir og fundi slitið kl. 15:40

Go to top