Stefna Grunnskólans á Hellu varðandi læsi

• Lestur og skilningur á rituðu máli eru grunnþættir í allri menntun. Skólinn leggur því mikla rækt við lestrarkennslu nemenda á öllum aldursstigum.
• Allir foreldrar barna í 1. bekk mæti á námskeið að hausti um lestrarkennslu og lestrarþjálfun. 
• Auk almenns lesturs á námsefni, er yndislestur hluti af daglegum skóladegi nemenda.
• Lestrarkennsluefni er valið í samræmi við lestrargetu og áhuga hvers og eins.
• Allir nemendur skulu lesa heima a.m.k. 10-15 mínútur á dag, fyrir einhvern fullorðinn, sem kvittar fyrir lestrinum.
• Bókasafn skólans gegnir lykilhlutverki varðandi aðgang nemenda að fræði- skemmti- og fagurbókmenntum.
• Árlega er unnið með íslenskt mál á fjölbreyttan hátt í tengslum við Dag íslenskrar tungu.
• Árlega er tímabundið lestrarátak í öllum bekkjum í viðbót við hefðbundið lestrarnám.
• Á hverju skólaári er leitast við að fá rithöfund í heimsókn til kynningar á verkum sínum til að efla lestraráhuga nemenda.
• Skólinn fagnar degi barnabókarinnar í byrjun apríl með þátttöku í verkefni IBBY á Íslandi.
• Við annaskil er framkvæmt mat á lestrarfærni (lestrarhraða og lesskilningi) allra nemenda. 
• Skólinn leggur áherslu á að mæta hverjum nemenda þar sem hann er staddur í lestrarferlinu. Ef um erfiðleika er að ræða er leitað til sérfræðinga Skólaþjónustu Rangárvalla- og V-Skaftafellssýslu.

Lestrarviðmið fyrir nemendur að vori

Viðmiðin byggja á meðaltalseinkunnum nemenda skólans á árunum 2006 – 2015. Þau eru heldur lægri en í flestum öðrum skólum, þar sem algeng viðmið eru 200 atkvæði við lok 4. bekkjar. Þegar meðaltal skólans er skoðað verður að hafa samsetningu nemendahópsins í huga en fjórðungur hans býr við virkt tvítyngi. Viðmiðin eru endurskoðuð árlega og stefnum við hærra. Lestrarþjálfun er sameiginlegt verkefni skóla og heimilis alla skólagöngu hvers barns.

1. bekkur:   30 – 50 atkvæði á mínútu   =   2,0 - 3,0
2. bekkur:   80 – 110 atkvæði á mínútu =   4,0 – 5,0
3. bekkur:   110 – 140 atkvæði á mínútu = 5,0 – 6,0
4. bekkur:   140 – 170 atkvæði á mínútu = 6,0 – 7,0
5. bekkur:   170 – 200 atkvæði á mínútu = 7,0 – 8,0
6. bekkur:   200 – 215 atkvæði á mínútu = 8,0 – 8,5
7. bekkur:   215 – 230 atkvæði á mínútu = 8,5 – 9,0
8. bekkur:   230 – 265 atkvæði á mínútu = 9,0 – 9,5
9. bekkur:   265 – 300 atkvæði á mínútu = 9,5 – 10,0
10. bekkur:   300< atkvæði á mínútu         = 10,0 Talið er að nemendur þurfi að lesa a.m.k 300 atkv. á mín. til að ráða við námsefni framhaldsskóla.       
    Miðað er við að a.m.k. 70% hvers árgangs nái viðmiðunum

Matstæki

Auk þessa eru eftirfarandi skimunarpróf lögð fyrir:

1. bekkur, október: Leið til læsis.

3. bekkur,  apríl: Hluti af LOGOS prófi.

6. bekkur, janúar: Hluti af LOGOS prófi.

9. bekkur, sept./okt. GRP-14.

Þeir nemendur 1. bekkjar sem koma illa út úr Leið til læsis fara í einstaklingsmat hjá sérkennara þar sem prófið Hljóðfærni er lagt fyrir. 

Niðurstöður samræmdra prófa í íslensku í 4. 7. og 10. bekk skoðaðar vel og unnið út frá niðurstöðum fyrir hvern og einn.