Grunnskólinn Hellu

Tilhögun skólahalds  síðustu kennsludaga fyrir jól

Tilhögun skólahalds 
síðustu kennsludaga fyrir jól

Stundaskrár allra bekkja verða samkvæmt venju fram á þriðjudag 18. desember. Skóladagheimili er opið til kl. 16:00 eins og venjulega.
Síðasti skiladagur í jólapakkasafn bekkja er mánudag 17. desember en ákveðið hefur verið að halda þeim sið að nemendur mæti með jólapakka í skólann (hámarksverðmæti 1000 kr.) til þess að setja í jólapakkasafn bekkjanna.

Miðvikudaginn 19. desember mæta nemendur á venjubundnum tíma í skólann. Þá fara fram lokaæfingar fyrir jólaskemmtun o.fl. Skóladegi lýkur kl. 13:00 þennan dag að loknu sameiginlegu jólaborðhaldi. Skólabílar aka akstursnemendum heim kl. 13:00.
Skóladagheimilið verður opið fyrir þá nemendur sem þar eru skráðir.

Klukkan 17:30 - 19:00 verður jólaskemmtun nemenda og foreldra/aðstandenda í íþróttahúsinu. Skólabílar aka þeim akstursnemendum sem þess þurfa að og frá skólanum. 

Fimmtudaginn 20. desember mæta nemendur í skólann kl. 10:00. Þá munu nemendur eiga samverustund með umsjónakennurum sínum í heimastofum bekkjanna. 
Kl. 11:15 verður dansað í kringum jólatréð í íþróttahúsinu. 
Skólabílar aka akstursnemendum heim kl. 12:00.
Skóladagheimilið er lokað.
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Kennsla hefst á nýju ári fimmtudaginn 3. janúar 2019 samkvæmt stundaskrám.