Frábær jólasöngstund í dag

Í dag þann 7. desember var jólasöngstund í skólanum okkar.

Allir nemendur og starfsfólk skólans auk elstu barna leikskóla og nokkurra starfsmanna komu saman í kringlu skólans.

Valgerður stýrði söng, Kristinn Ingi spilaði á gítar og Steini Darri á trommur.

Það er óhætt að segja að jólaandinn hafi svo sannarlega fyllt gulu kringluna okkar. Nemendur tóku vel undir í öllum lögum og klöppuðu á milli laga fyrir sér og hljóðfæraleikurum.

Eftir síðasta lagið brutust út mikil fagnaðarlæti þar sem nemendur klöppuðu saman höndum og hrópuðu meira, meira. Hljómsveitin tók að sjálfsögðu vel í það og tók annað lag.

Þau Vilhelm Bjartur 2. bekk og Maria 1. bekk fengu það hlutverk að halda á aðventukertum fyrir framan hópinn. Þau voru afar stolt af sínu hlutverki og sungu að sjálfsögðu með í öllum lögum.

Ótrúlega vel heppnuð og kærkomin jólasamvera á aðventunni.