Grunnskólinn Hellu keppir í Skólahreysti

Fimmtudagskvöldið 28. apríl mun Grunnskólinn Hellu keppa í Skólahreysti. Bein útsending frá keppninni hefst klukkan 20:00 á Rúv. Keppendur eru Davíð og Jónína – hraðabraut, Veigar Þór – upphífingar og dýfur og Þórhildur Lotta – hreystigreip og armbeygjur. Guðrún og Kristófer Árni eru varamenn. 

Ekki má gleyma að nefna stuðningslið Grunnskólans á Hellu en þar munu nemendur 8. -10. bekkjar gegna lykilhlutverki í að hvetja keppendur áfram með trommuslætti, hvatningarhrópum og eintómri gleði.

Við viljum hvetja alla bæði konur og kalla til að horfa á keppnina, ekki síst með yngri nemendum skólans til að ýta undir áhuga komandi keppenda.