Safnari vikunnar á bókasafninu

Í haust fór af stað skemmtilegt verkefni á bókasafninu sem kallast "Safnari vikunnar". Verkefnið gengur út á það að nemendur geta sótt um að sýna eitthvað sem þeir safna í sýningaskáp sem staðsettur er inni á bókasafni. Margir bíða í röð eftir að komast að með safnið sitt en í vetur hafa alls kyns skemmtilegir munir verið til sýnis í skápnum svo sem steinasafn, loomteygjurarmbönd, smáhlutasafn, fótboltaspil og músasafn svo eitthvað sé nefnt. Í liðinni viku var safnari vikunnar Dagmar Daníelsdóttir sem sýndi Eiðfaxa safnið sitt. Þess má geta að skrifuð var frétt um Dagmar og safnið hennar inni á vefnum eiðfaxi.is.