Samlestur í 4. bekk

Í vetur hafa nemendur 4. bekkjar sinnt samlestri. Samlesturinn er hugsaður í staðinn fyrir að einn og einn nemandi lesi upphátt fyrir kennara eða stuðningsfulltrúa. Nemendur vinna tveir og tveir saman og einn les á meðan hinn fylgist með og leiðréttir. Eftir nokkrar mínútur skipta nemendur um hlutverk. Kennari og stuðningsfulltrúi rölta á milli, leiðbeina og hlusta á nemendur. Ávinningurinn af þessu fyrirkomulagi er meðal annars sá að nemendur fá að lesa í lengri tíma í senn, lesa oftar upphátt yfir vikuna í skólanum, kennari og stuðningsfulltrúi ná að hlusta á fleiri nemendur á styttri tíma og síðan en ekki síst þá þykir nemendum þetta mjög skemmtilegt.

Hér má sjá fleiri myndir úr þessu skemmtilega og vel heppnaða lestrarverkefni: Lesið fyrir hvert annað