Skólinn settur

Það var heldur betur glatt á hjalla við setningu skólans okkar í dag.

Nemendur mættu útiteknir, brosandi og nokkrum númerum stærri ásamt foreldrum sínum í íþróttahúsið klukkan 11 í morgun þar sem Kristín Sigfúsdóttir skólastjóri hélt stutta tölu. Í ræðu hennar kom meðal annars fram að nemendum við skólann hefur fjölgað um tæplega þrjátíu frá því í vor og eru nú orðnir 178 talsins.

Eftir að skólinn var settur skunduðu kátir nemendur, ásamt kennurum og stuðningsfulltrúum, í kennslustofur sínar og fengu afhentar stundaskrár.

Á meðfylgjandi mynd má sjá 1. bekk ásamt starfsfólki. Myndin var tekin á setningu skólans í morgun.  

Kennsla hefst samkvæmt stundaskrá föstudaginn 23. ágúst.