Tónlist og gleði í frímínútum

Nokkrir nemendur á elsta stigi skólans hafa tekið frumkvæði að því að spila á ýmis hljóðfæri í frímínútum og gleðja þannig samnemendur og starfsfólk skólans með lifandi tónlist.

Það er ótrúlega skemmtilegt og gefandi að sjá nemendur okkar nýta hæfileika sína á þennan hátt. Tónlistin skapar jákvætt andrúmsloft og styrkir félagsleg tengsl enda hafa fleiri nemendur sýnt áhuga á að taka þátt og hópurinn smá stækkar.

Við erum rík af hæfileikaríkum nemendum sem spila á hin ýmsu hljóðfæri og syngja eins og englar. Við vonum svo sannarlega að þessi skemmtilega nýbreytni festi sig í sessi í skólanum okkar.

Takk frábæru nemendur fyrir að gera andrúmsloftið innan veggja skólans enn betra :)

Nokkrar myndir