Bæjarhellan

Í vinnslu……..

Bæjarhellan var fyrst sett upp í Grunnskólanum Hellu skólaárið 2013 – 2014 þá sem lokaverkefni í meistaranámi við Háskóla Íslands. Verkefnið hefur lifað góðu lífi síðan og er sett upp einu sinni á hverju skólaári.

Bæjarhellan er þróunarverkefni og hefur því breyst og þróast á þeim rúma áratug sem það hefur verið við líði við skólann.

Verkefnið felur í sér að setja upp lítið sjálfbært hagkerfi í skólanum þar sem nemendur sækja um starf á vinnustöðum við kennarar hafa sett upp. Nemendur mæta svo til “vinnu” í þrjá daga og framleiða ýmsan varning eða afþreyingu sem er seldur á markaðsdegi Bæjarhellunnar. Nemendur fá greidd laun í hellum en ein hella jafngildir einni íslenskri krónu. Foreldrar og aðrir í samfélaginu geta keypt sig inn í hagkerfið í svokölluðum Bæjarhellubanka. Þær íslensku krónur sem koma inn í hagkerfið eru nýttar til að kaupa aðföng árið eftir. Bæjarhellusjóðurinn hefur sömuleiðis styrkt góðgerðafélög og keypt eitthvað sem vantar í skólann sem nýtist öllum nemendum svo sem tæknilego og þrívíddarprentara svo fátt eitt sé nefnt.

Bæjarhellan átti sinn eigin fána og á 10 ára afmælinu var útbúinn nýr fáni sem verður notaður næstu árin.